Fungoj

Kultivi fungojn – silenta mondo plena je vivo

Mi ŝatas fungojn ne nur ĉar ili estas bongustaj, sed ankaŭ ĉar ili estas tiel apartaj.

Ili vivas en propra mondo, silente kreskante sub la grundo, en putriĝanta ligno aŭ inter pajlofaskoj kiuj ŝajnas jam senvaloraj. Iuj specioj ŝatas mallumon por kreski, sed bezonas lumon por formi fruktokorpojn. Iuj aperas nur post pluvo, aliaj postulas monatojn da atendado. Ju pli mi lernas, des pli fungoj ŝajnas al mi sekreto, kiun la naturo neniam tute finrakontis.